Эң көп балалуу үй-бүлөгө «KG ГРУПП» курулуш компанисынан белекке батир берилди

22 ноябрь 2018 жылы, Имамидин Ташов түптөгөн «KG ГРУПП» курулуш компаниясы салтка айланып калган, жыл сайын өтүүчү “Эң көп балалуу үй-бүлөгө «KG ГРУПП» курулуш компанисынан белекке батир” аттуу сынагынын жыйынтыгын чыгарып, бактылуу үй-бүлөгө эки бөлмөлүү батирдин сертификаты тапшырылды.

Аталаган сынак 4 жылдан бери өткөрүлүп келет. Ушул жылдын январь айында башталып, атайын критерийлердин негизинде жаш үй-бүлөлөр кайрыла башташкан.

Сынактын шарттарын айта кетсек:

Кыргыз Республикасынын жараны болушу абзел,
Ата-энеси 40 жашка чейин болушу керек,
Мүлкү катталган же катталган эместиги тууралуу аныктама,
Үй-бүлөсү тууралуу жашаган жерден аныктама берилет,
Ата-энесинин, балдарынын окуудагы, жашоодогу жетишкендиктери каралат.

Эл ичинде бул сынак жарыяланган соң өлкө аймагынан 76 үй-бүлө катышууга документтерин тапшырышкан. Атайын түзүлгөн комиссиянын чечими менен Суусамыр өрөөнүндө жашаган 10 баланын ата-энеси болгон Шаккулуевдердин үй-бүлөсү эки бөлмөлүү батирге ээ болушту. Жаны конуштар Кут болсун!

 



[an error occurred while processing the directive]
[an error occurred while processing the directive]